مثابة الأنصار
أهلا بك في منتدى بهاء أبو محمد معشوق الأنصاري
هذه الرسالة تفيد بأنك غير مسجل لدينا
عزيزي الزائر إن من دواعي سرورنا وتشريفنا بك هو إنضمامك إلى منتدانا والإشتراك معنا ، يمكنك التسجيل في المنتدى , وإضافة مواضيعك ومشاركاتك .
بحـث
 
 

نتائج البحث
 


Rechercher بحث متقدم

سبتمبر 2017
الإثنينالثلاثاءالأربعاءالخميسالجمعةالسبتالأحد
    123
45678910
11121314151617
18192021222324
252627282930 

اليومية اليومية


مجموعة كبيرة جداً من الأبوذيات الجميلة والرائعة

استعرض الموضوع السابق استعرض الموضوع التالي اذهب الى الأسفل

default مجموعة كبيرة جداً من الأبوذيات الجميلة والرائعة

مُساهمة من طرف أبو محمد معشوق في الأحد أكتوبر 11, 2009 10:39 am




حمامات البذاك الصوب يرعن
كلن كلبي وبكن بحشاي يرعن
لاتكرب على المكروب يرعن
ولاتطرد سراب بغير ميه

الزمان بفركتك حزين حزنه
وعله كل الحزن والنوح حزنه
تعال عله الدليل وشوف حزنه
مغيّم ما صفه ومخبوط ميه

تحن الروح كل ساعه ترفلاك
مشيت وظلت عيوني ترف لك
اذا ما جيتني الليله تره فلاك
اسوي جاينه ولنصب عليه

اشنفعني الجو يصاحب من خلالي
اخذ ربعي واخوتي من خلّالي
جثره ذيول عبرت من خلالي
الزلم واشباهه عبرت عليه

يريح الهاب لحبابي وديني

ورفع وجهي للخالق وديني
الاهي ابجاه كل صومي وديني
احبابي اتشيل عنهم كل اذيه




اله سنين الفرح وياي مايه
وموواحداجروح القلب مايه
اليغص ابلقمه اذا ينطوه مايه
انه بلماي اغص وشلون بيه





دوم انشد عليك الراح والرد
الوفه منك نبع والطيب ورد
ردت منك جواب الهاي والرد
اعز الناس مايسال عليه


أأمم بيها والجامع ورايه
وصفيت امشي وره الچانوا ورايه
نويت اهجم شلت سيفي ورايه
رماني بسهم عينه وطاح بيه


يدنيه شبيج حصره دوم نفسي
وعلى الطيبين دوم اتلوب نفسي
اجر حسره ونزل ماصعد نفسي
واذا يصعد حرك هدم العليه





دموعي شما بجيت عليج يصفن
بهواج العلي من ونيت يصفن
تكول الناس هذا شبيه يصفن
بغرامج مادرو ضكت المنيه



حبيبي جفاك المعبودج صبراي
حبيبي كمت اكل للروح صبراي
حبيبي من ذكرتك نفذ صبراي
حبيبي يصب فراقك عليه



أنام وشوك محبوبي يعاني
افز مرعوب واتخيل يعاني
هلي الدمع مرخوصه يعاني
على اللي بالوصل شحوا عليه




زماني والدهر وياي عنفص
ركبت زمال نص الدرب عنفص
حبيبي الجنت اودة هم اليوم عنفص
زكطني وشمت العدوان بية




منومثلي تعب لجلك ودارة
وعاش بعيد عن اهلة ودارة
اريد اعرف منو لعب بعقلك ودارة
حبيبي شما يصير انت الية




سـجــل كَـلـبـي دفـاتــر مـــا جـلـتـه
لـــون جـــلاد يـجـلــد مــــا جـلـتــه
عمـــر وسنين مبعـد جلــــــيه جـلـتـه
او يـرد اردود كَلـبـي اشـكـد خطـيـه




صفيت أكتب ودهري علي يملي
ومن كثر النوايب ناخ يملي
نخيت اللي قصد للماي يملي
والصار بكربته هل صار بيه




حبيبي اشغير اطباعك ودارك
تبعد منزلك عني ودارك
خايب تمنيت داري اكبال دارك
واشوفك كل صبح ومسية




العشك منه استراحينه وهدنه
واخذنه من الدمع راحة وهدنه
ياحلو الطول فك ياخه وهدنه
عجزنه من الهوى وناره سريه





يغالي شجابك لشوفي وعناك
معقوله الهوه هزك وعناك
تره الناس التحجي عني وعناك
تغار تريد ما نكعد سويه





اساس بعشرتي وياك صبيت
جنني الهوى وبالشوگ صبيت
اذا انت عليه دموع صبيت
عميت عيوني من فرگاك اليه


مشينه بليلة الظلمه وسرنا
جنود من العدو اكتلنه واسرنا
اسرار الناس تكتمه وسرنا
تفضحه وتنشره على البريه


ايام الحلوه راحن منسى عدها
ويهنياله لامه من سعدها
حبيبتي چنت اروحلها منا انسى عندها
الروح والقلب اخذهن سويه


اني الكاتب القصه وانا راوي
سالني منين كتله انا راوي
عذاب وضيم اشوفه وراوي
لان نذل بدكاته عليه

الغدر انه يحلوه مو طبيعي
وجمالج بالكون والله مو طبيعي
من شفافج الحلوه موطه بيعي
عشر اكواب حاجز بس اليه



اضل صاحب سلوك وياك واسلاك
وعلى بابك اخلي حرس واسلاك
وشيطانك اذا فد يوم وس لاك
اگلك خاف الله وحن عليه


صبيت اساس بعشرتي وياك صبيت
ودللني الهوه وبشوك صبيت
اذا انته علي دموع صبيت
بجيت عيون من فركاك اليه


اكطع من خدك ورود واشتم
وماادري شبقه من عمري واشتم
مرخص كلما ردت سبني واشتم
شتايمكم ثواب لوالديه


حبيبي منو الوشوش بذانك واصطك انه
صرح الحب بنيته وصطك انه
تسألني وين انته وصطك انه
تدور بالنبض تعثر عليه

من تراب مثلي نعم بس للجمال اسباب
واعتقد رب العرش سواك في محراب
باب جنه عدن تين ونخل واعناب
وبقالبك خله عسل وشويه ذب تراب


وحك اشال سيفه وطبر بالهام
من ضيم الدنيه شردت بالهام
اخوي الماوكف وياي بالهم
ماريده بمماتي يمر عليه


الليالي هموم حملني ولحن
وكلبي بس حزن غنى ولحن
اللي احبه ماانكسر قلبه ولاحن
تجي لو ابلي كل الناس بية



يجيني الشوگ لگلبي واردة
يحاول يحچي وية احساسي واردة
ويگلي ارجع لمحبوبك وردة
گتلة محبوبي من خان بيه الزمن رد علية



ثلاثة بالدجى راحن ولاجن
ولاهن من نسل حوى ولا جن
ولا زاغن ولا ولا راغن ولاجن
ولا جاهن من الهاتف ندية



اريد ارگب على روس العوالي
ودور عل المناصبهم عوالي
يذيب البيد جاوبني وعوالي
ترة روحك مثل روحي شجية



نار حُبك بكَلبي جواني
اصعد فوك ودكولي جوة آني
وتريدني أعوفك كوة آني
والله أحبك مو بيدية




جرح الشوك بعدك ولةمني
وسبب لفراك منك ولة مني
بغيابك نضر عيني ولةمني
ووجد حاجتي بطراف اديه


بچيت وزادن جروحي ولاماي
وعلى الماصح إلي وياهم ولاماي
لآهو دم دمع عيني ولامــــاي
ومـــاخذني الهوه من غصبن عليه





سدة
أريدك ذرى وسدة فوگ سدة
والباب اللي يجيب الريح سده
اناأعرفك للستر والعفة سدة
أنت أبن الأصول أبن الحمية


هموم هواك ماخلن..علي حال
فريضه وحبك من الله ..علي حــال
يالتنشد على حالـــــــي..علي حـال
شيفيد النشد عالصار بيـــــــــــــــه

خطيـــــه الروح راحت من يعدها
وكثيرة همومي صارت من يعدها
وكثير اطبــــاع صارن مني عدها
أحسن هيه آني واني هيه


طبيبي لاتجس النبض خله
اخاف احجي واخاف تصير خله
سبب هذا المرض افراگ خله
وهواهم سلني ولامرض بيه

يهل الناديت بسمي هواى عيده
ويه هل ماخذ دليل وياك عيده
الكلب مو بسعد رمضان عيده
اني عندي العيد من نكعد سويه

تكلي بعد ما اريدك ولا ابيك
هاي اطباع مو منك ولا بيك
ابد ما الوم والدتك ولا ابيك
الوم الوكت الرهاك عليه

قسيت وياك يسمر عمي انا
وعين الي الماتشوفك عمي انا
اذا خالك فزعلك عمي انا
تبرة وضحك والوادم علية

اجزعت من الصبر روحي وملت
اهموم احصدت بالدنيا وملت
بنيران الفضا اتجوت وملت
الجزع صاحت من الهم والاذيه

بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك عالدنيه



الكلب لا مظهر ولا مال غربه
ولو عمري بحماده انشتل غربه
ما احمل بكاع اجناب غربه
احن واشتاك لهلي بكل مسيه


سهرت الليل بودادك وحييت
وكلت مرحبه بطارشكم وحييت
يمطرب طفت بالكعبه وحييت
اذا جايب حبيبي اوياك اليه


حبيبي فارگ عيوني ونساني
گضه عمره وياي حاسبني ونساني
حسباله الهجر عدل ونساني
ونه عدلي يكسر ضلوعي بيه

صديقك الفاضلك بالطيب فضله
ومثل مافضلك عن الناس فضله
اشكره وموجزاته انكار قضله
يجبلك يوم هم تعتاز فيه

اريد الزم خدودك واشتمنه
واريد انعل ابيك واشتمنه
تدري شراد كلبي وشتمنه
على صدرك انام الليل وهايهيه
**********
حبيبي شلون عنده عيون فله
واشعر الراس عن ايدي فله
تمنيت انه اوياه فرد فله
واشوفه الغرام اشعمل بيه
**********
حلو وياك كلبي صفه نيته
يريد يكون يمك صفه نيته
شارعنه بجمالك صفينيته
وطاح من الركن للركن بيه
**********
مايوم الك خنت طول العمر وافيت
ولاكلت انته خنت ولاكلت وافيت
كلبي من هجر كلبك احس للموت وافيت
كلب كلبي توفه وعم عليه
وحق الله وملائكته وكتبه
عجبني شايل الجنطه وكتبه
لعب بيه الدهر و الطر و كتبه
بالچذب ما انكسر گلبه و حن عليه
هفت
هله يلي عليك الروح هفت
مد ايدك على نار القلب هفت
شكثر ناس علي بحجار هفت
لجن بشوفتك جتني المنيه

ضعن حبي لوى ابهجري على ايسـار
اصب الدمع والواشي على ســــار
اظل آنه اطبق اليمنه على ايسار
على ولفي تركني وخان بيـــــه

عيوني عليك من البواجي يرحن
سجاجين ابصميم احشاي يرحن
اشكد طيبات للنذلين يرحن
غدير ابصبخ ما ينشرب ميه

ترف وياي ليش اخلفت وعداك
بصدودك شمتيت عداي وعداك
اضنك عاشرت مجروب وعداك
مثل هذا السره بين البريه

حلو طبعك حبيبي من تعادي
احكمت قلبي قساوة وانتة عادي
تمنيتك حبيبي من تعادي
تعادي الناس اليوزونك علية

حلف برکبتی علی العشق مندم
ولو حتی البواجی تصير من دم
کلبی مو صخر يا ناس من دم
ويحبه شثکر ما يقسی عليه

أتيه بشوفتك لاتنشد وينهلك
نضيع احنا ابحر عينك ونهلك
حبيبي الروح مرعى لك ونهلك
واريدك دوم قرة عين ليه

تشوف اهمومي بعيونك وترها
وتغيب وتكطع بروحي وترها
يرهيك الوكت يسمر وترها
وتصير انت ابو الراهي عليه
avatar
أبو محمد معشوق
المشرف العام على جميع اقسام المنتدى
المشرف العام على جميع اقسام المنتدى

عدد المساهمات : 128
نقاط : 592617
تاريخ التسجيل : 18/08/2009
العمر : 30
الموقع : http://www.tamo.yoo7.com/

معاينة صفحة البيانات الشخصي للعضو http://tamo.yoo7.com/

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى